जिल्ला अदालत मोरङले म्याद थप गरेसँगै सम्पत्ति शुद्धिकरण अनुसन्धान विभागमा ‘गोरे’, भुजुङ र छिरिङले गैरकानुनी रुपमा आर्जन गरेको सम्पत्तिबारे अनुसन्धान गर्ने भएको छ ।   

२०६९ सालदेखि सुन तस्करी गर्दै आएका राप्रपा (प्रजातान्त्रिक)का नेता भुजुङ गुरुङ उनको सालो नाता पर्ने डेविटर डाक्टर भन्ने छिरीङ वाङ्गेल र गोरेले एउटै चेन बनाएर सुन तस्करी गर्ने गरेको निष्कर्ष निकाल्दै सुन तस्करी छानविन गर्न बनेको समितिले उनीहरु विरुद्ध मोरङ जिल्ला अदालतमा मुद्धा दायर गरेको थियो ।

पछिल्लो समय चुडामणि उप्रेती ‘गोरे’को समुहले दुबईबाट ल्याएको ३३ केजी सुन लुटपाटमा समेत छिरिङको संलग्नता रहेको सुन तस्करी छानविन समितिले निष्कर्ष निकालेको थियो । छिरीङ लामो समयदेखी सुन तस्करीमा संलग्न रहेको समितीको छानविनबाट खुलेपछी जिल्ला सरकारी वकिल कार्यालय मोरङले उनलाई समेत प्रतिवादी बनाएर मुद्धा दायर गरेको थियो ।

एउटै चेनमा सुन तस्करी गरेपनि पछिल्लो ३३ किलो सुन भुजुङ गुरुङ्गको डिजाईनमा छिरिङ वाङ्गेल र उनका चालक फाल्दुङ गुरुङले अनामनगर आसपासबाट लुटेको छानविन समितीको निष्कर्ष छ । ३३ किलो सुन हराएपछि सोधपुछ गर्ने क्रममा ‘गोरे’ ले आफ्नै साथी सनम शाक्यको हत्या गरेपछी सुन प्रकरण बाहिरएिको थियो ।

काठमाडौ ।  तेस्रो अल क्याकुशिन बुदोकै कराते च्याम्पियनसिप प्रतियोगितामा दुई नम्बर प्रदेश टिम च्याम्पियन भएको छ ।
“राष्ट्रका लागी खेलकुद, स्वास्थ्यका लागि खेलकुद भन्ने” मुल नाराका साथ शनिबार त्रिपुरेश्वर स्थित राष्ट्रिय खेलकुद परिषदको कवर्डहलमा सम्पन्न भएको प्रतियोगितामा दुई नम्बर प्रदेशले ७ स्वर्ण पदक सहित कुल १९ पदक जित्दै टिम च्याम्पियन बन्न सफल भएको छ् ।

साथै ५ स्वर्ण सहित २१ पदक जितेको प्रदेश नम्बर ४ उप बिजेता हुँदा, १ रजत सहित ६ पदक जितेको ३ नम्बर प्रदेशले तेस्रो स्थानमा चित्त बुझाएको छ । च्याम्पियन प्रदेश २ ले सात स्वर्ण, ४ रजत र ७ कास्य पदक जित्दा, प्रदेश ४ ले पाँच स्वर्ण, ७ रजत र ९ कास्य हात पार्दा, तेस्रो भएको ३ नम्बर प्रदेशले एक रजत सहित ५ कास्य पदक हात पारेको थियोे । नेपाल क्योकुशिन बुदोकै कराते संघको आयोजनामा दुई दिन सम्म चलेको प्रतियोगितामा बिभागिय टोलि नेपाल आर्मी सहित सातै प्रदेशका एक सय पचास जना महिला / पुरुष खेलाडीहरुले १२ स्वर्ण पदकका लागी प्रतिस्पर्धा गरेका थिए ।

प्रतियोगितामा पुरुष तर्फ ८ र महिला तर्फ ४ तौल समुहमा प्रतिस्पर्धा गराईएको नेपाल क्योकुशिन बुदोकै कराते संघका कोषाध्यक्ष एवं प्रतियोगिताका मुख्य जुरि धनबहादुर तामाङले जानकारी गराउनु भयो । प्रतियोगिताका बिजेता खेलाडीहरुलाई राष्ट्रिय खेलकुद परिषदका सदस्यसचीव केशव कुमार बिष्ट र क्योकुशिन बुदोकै करातेका प्रमुख प्रशिक्षक राजेन्द्र सुबेदीले पुरस्कार बितरण गरेका थिए 

साभार News24