मङ्सिर २३, काठमाडौं । पहिलो र दोस्रो चरणमा सम्पन्न प्रतिनिधिसभा र प्रदेशसभा निर्वाचनपछि जारी मतगणनामा प्राप्त परिणाममा नेकपा एमाले सबैभन्दा बढी सिट जित्दै अग्रस्थानमा रहेको छ ।

 

बिहविार दोस्रो चरणको निर्वाचन सम्पन्न भएसँगै शुरु भएको मतगणनामा बाम गठबन्धनमा आवद्ध एमाले र माओवादी केन्द्रका उम्मेदवारहरु अधिकांस स्थानमा विजयी भएका छन् । नेपाली काङ्ग्रेस जारी मतगणनामा बाम गठबन्धनभन्दा पछाडि परेको छ । पहाड र हिमाली जिल्लाका निर्वाचन क्षेत्रमा बाम गठबन्धन र काङ्ग्रेस उम्मेदवारवीच मुख्य प्रतिस्पर्धा रहेको छ भने तराई मधेशका अधिकांश स्थानमा मधेशी गठबन्धनसहित त्रीपक्षीय प्रतिस्पर्धा रहेको छ । 

 

प्रतिनिधिसभाका लागि १ सय ६५ र प्रदेशसभाका लागि ३ सय ३० निर्वाचन क्षेत्रमा भएको निर्वाचनको मतगणना जारी छ । शनिवार साँझ ८ बजेसम्म प्रतिनिधिसभातर्फ प्राप्त मतपरिणाम अनुसार ४८ क्षेत्रको मतपरिणाम सार्वजनिक भएको छ । जसमा नेकपा एमालेले २९, माओवादी केन्द्रले १०, नेपाली काङ्ग्रेस ६, नयाँ शक्ति पार्टी १, सङ्घीय समाजवादी फोरम नेपाल १ र स्वतन्त्र १ जना उम्मेदवार विजयी भएका छन् । कुल १ सय ६५ सांसदका लागि १ हजार ९ सय ४४ जना उम्मेदवार चुनावी प्रतिस्पर्धामा रहेका थिए । 

 

यस्तै प्रदेशसभातर्फ ७ जना उम्मेदवार विजयी भएका छन् । जसमा एमाले अग्रस्थानमा रहेको छ भने माओवादी दोस्रो र काङ्ग्रेस तेस्रो स्थानमा रहेको छ । ३ सय ३० सांसदका लागि ३ हजार २ सय ३ जना उम्मेदवार चुनावी प्रतिस्पर्धामा रहेका थिए ।  

 

शनिवार साँझ ८ बजेसम्ममा निर्वाचन आयोगमा प्राप्त विवरण अनुसार प्रतिनिधिसभामा प्रत्यक्षतर्फ विजयी हुने उम्मेदवारहरु र उनीहरुको निर्वाचन क्षेत्र यस प्रकार रहेको छ । 

 

नेकपा एमालेबाट निर्वाचित सांसदहरु :

 

 

मओवादी केन्द्रबाट निर्वाचितहरु

 

नेपाली काङ्ग्रेसबाट निर्वाचितहरु

 

 

नयाँ शक्ति पार्टी, नेपालबाट निर्वाचितहरु

 

 

सङ्घीय समाजवादी फोरम नेपालबाट निर्वाचितहरु 

 

 

स्वतन्त्रबाट निर्वाचित